ویب ڈیسک : وادی نیلم کے علاقے صندوک سوسل لنک روڈ پر جیپ حادثے کا شکار ہوکر گہری کھائی میں جاگری۔
ریسکیو 1122 کے مطابق جیپ میں دس سے زائد افراد سوار تھے جن میں سے 3 افراد جاں بحق ہوگئے، جبکہ 5 افراد زخمی ہوئے ہیں، زخمیوں کو ریسکیو کرتے ہوئے ایم ڈی ایس ہسپتال جھمبر منتقل کر دیا گیا، تاہم زخمیوں میں 3 افراد کی حالت انتہائی تشویشناک ہے، جنہیں مظفرآباد ریفر کیا جا رہا ہے۔
جاں بحق ہونے والوں میں خاتون انصر بی بی زوجہ عبد الحمید اور دو مرد گوہر علی اور مجاہد شاہ شامل ہیں۔
ایمرجنسی ریسکیو سروس ،محکمہ صحت کا عملہ ایمبولنس کے ہمراہ موجود ہے جبکہ عوام علاقہ کی بھی بڑی تعداد بھی موجود ہے۔ حادثہ کی ابھی وجوہات معلوم نہیں ہو سکیں۔