ویب ڈیسک : بہاولپور کی تحصیل احمد پور شرقیہ کے علاقے ہتھیجی میں دودھ کا ٹینکر بے قابو ہوکر سڑک کنارے موجود گھر کی عمارت سے جاٹکرایا، حادثے میں 4 افراد جاں بحق ہوگئے۔
افسوسناک واقعہ نواحی علاقے پل صدیق آباد کے قریب پیش آیا ، جہاں دودھ کا ٹینکر بے قابو ہوکر سڑک کنارے موجود گھر کی عمارت سے جاٹکرایا، ٹینکر کے گھر کی عمارت سے ٹکرانے کے بعد عمارت گرگئی ، افسوسناک حادثے میں 3 بچوں اور ڈرائیور سمیت 4 جاں بحق ہوگئے ۔
ریسکیو حکام کا کہنا ہےکہ جاں بحق ہونے والوں میں دو بھائی ، کزن اور ٹینکر ڈرائیور شامل ہیں، جاں بحق ڈرائیور کی شناخت 35 سالہ عمر کے نام سے ہوئی ہے ، جبکہ بچوں کی شناخت 3 سالہ اعجاز ، 5 سالہ فاروق اور 6 سالہ مدثر کے نام سے ہوئی ہے ۔