ویب ڈیسک: پی ٹی آئی کو ایک اور بڑ ادھچکا لگ گیا،حافظ آباد سےسابق ایم پی اے احسن بھٹی اور ٹکٹ ہولڈر عون انتصار نے عمران خان سے راہیں جدا کر لیں۔
ذرائع کے مطابق دونوں رہنما پریس کانفرنس میں پی ٹی آئی چھوڑنے کا اعلان کریں گے،احسن بھٹی پنڈی بھٹیاں سے ایم پی اے تھے جبکہ عون بھٹی پی ٹی آئی کے ٹکٹ ہولڈر تھے ۔
دوسری جانب بہاولپور کے حلقہ پی پی247 سے چودھری احسان الحق نے پی ٹی آئی چھوڑنےکا اعلان کر دیا جبکہ حلقہ پی پی 248 سے ڈاکٹر محمد افضل نے بھی پی ٹی آئی کو خیر باد کہہ دیا۔
دونوں رہنما مسلم لیگ ق کے ٹکٹ پر منتخب اور پرویزالٰہی کے ساتھ پی ٹی آئی میں شامل ہوئے تھے، دونوں کو 14 مئی کے انتخابات کیلئے تحریک انصاف کے ٹکٹ دیئے گئے تھے۔
دونوں رہنماؤں نے 9 مئی کے واقعات کی پُر زور مذمت کرتے ہوئے کہا کہ پاکستان آرمی ہے تو پاکستان ہے ،سانحہ 9 مئی کے ذمہ داروں کو سخت سزا دی جائے،ملک کو نقصان پہنچانے والوں کو بے نقاب کیا جائے۔