سٹی42: سیشن عدالت نےاسٹیج اداکارہ قرۃ العین کےقتل کیس کی سماعت 30 مئی تک ملتوی کرتے ہوئے گواہان کو طلب کر لیا۔
تفصیلات کے مطابق ایڈیشنل سیشن جج سجاول علی خان نے کیس کی سماعت کی، قتل کیس میں ملوث ملزم وقاص کوعدالت کے روبرو پیش کیا گیا، جبکہ مقتولہ کی بہن شہادت قلمبند کرانے کے لیے پیش نہ ہوسکی۔ وکیل نےعدالت کوبتایا کہ مقتولہ کی بہن نجی مصروفیات کے باعث پیش نہیں ہوسکتیں، عدالت نے مقتولہ کی بہن کو آئندہ سماعت پرشہادت کے لیے طلب کرلیا اور سماعت 30 مئی تک ملتوی کردی۔
ملزم وقاص کےخلاف تھانہ لاری اڈا پولیس نے مقدمہ درج کررکھا ہے۔