ویب ڈیسک : بھارتی ٹی وی کے مقبول ترین کامیڈی شو ''دی کپل شرما شو'' کو عارضی طور پر بند کردیا گیا۔
رپورٹ کے شو کے میزبان اور مرکزی اداکار کپل شرما اپنے امریکا کے دورے کی وجہ سے شوٹنگ کے لیے دستیاب نہیں ہوں گے اس لیے پروڈیوسرز نے شو کو عارضی طور پر بند کرنے کا فیصلہ کرلیا ہے۔
کپل شرما کے امریکا کے دورے کے دوران 8 شوز شیڈول ہیں جو 11 جون سے شروع ہوں گے۔کپل شرما کاکہنا ہے ہے کہ ان کا دورہ جون میں شروع ہوگا اور جولائی میں ختم ہوگا۔
دورہ امریکا کے علاوہ شو کی ٹیم کی ذاتی مصروفیات بھی ہیں جس کے باعث کپل شرما اور ان کی ٹیم شوٹنگ کے لیے دستیاب نہیں ہوں گے۔ کہا جار رہا ہے کہ کپل شرما شو کچھ ماہ بعد دوبارہ نئے سیزن اور نئی تبدیلیوں کے ساتھ واپس آئے گا۔