سٹی42: آستانہ عالیہ چورا شریف کے سالانہ عرس پر زائرین کو سہولت دینے کا فیصلہ، ریلوے انتظامیہ نے آٹھ اپریل تک 3 ٹرینیں چورا شریف ریلوے اسٹیشن پر ایک منٹ کیلئے رکنے کی اجازت دے دی۔
شیڈول کے مطابق مہر ایکسپرس، تھل ایکسپرس اور کوہاٹ ایکسپریس پانچ اپریل سے لے کر آٹھ اپریل تک چورا شریف ریلوے اسٹیشن پر ایک منٹ کیلئے سٹاپ کریں گی۔ ترجمان ریلوے کے مطابق زائرین کو یہ سہولت 4 دن کے لئے حاصل ہوگی، جبکہ یہ فیصلہ آستانہ عالیہ چورا شریف کے سالانہ عرس میں شرکت کرنے والے زائرین کو سہولت فراہم کرنے کے لیے کیا گیا ہے۔