رانا آذر: فقیر محمد میموریل بیڈمنٹن ٹورنامنٹ میں منگل کے روز مزید تین میچوں کا فیصلہ ہوا ۔
نشتر پارک جمنیزیم ہال میں کھیلے جا رہے بیڈمنٹن ٹورنامنٹ کے پہلے میچ میں مدثر ریاض ملک اور گوہر نفیس نے ملک شبیر اور اظہر مغل کو صفر دو سے ہرا دیا۔
دوسرے میچ میں ملک نوید اور رانا عرفان نے محمد عابد اور راجہ اختر کو دلچسپ مقابلے لے بعد سٹریٹ سیٹس میں شکست دیدی۔
تیسرے میچ میں سخی سرور اور محمد توقیر نے سہیل مسعود اور رانا مقصود کو ایک کے مقابلے دو سیٹ سے ہرا دیا۔
ٹورنامنٹ کے منتظمین کی جانب سے ننھے بچوں میں کھیل کا شوق اجاگر کرنے کیلئے شرٹس تقسیم کی گئیں۔