سٹی42:قومی کرکٹ ٹیم کے سابق فاسٹ باؤلر محمد عرفان کی نان رجسٹرڈ گاڑی ایکسایز کے ناکے پر پکڑی گئی۔
ایکسایز کے اہلکاروں کی جانب سے محمد عرفان کی گاڑی ای ایم ای سوسائٹی کے قریب روکی گئی جس کو ان کے کزن ایان خالدچلارہے تھے۔
چوہدری آصف کے مطابق گاڑی کی انوائس محمد عرفان کے نام پر ہے، گاڑی رواں سال خریدی گئی تاحال رجسٹرڈ نہیں کروائی گئی۔ کل تک گاڑی رجسٹرڈ کروانے کے وعدے پر کزن سے کاغذات وصول کرکے چالان کرکے جانے کی اجازت دے دی ہے۔
چوہدری آصف نے مزید بتایا کہ شہر بھر میں 8 مقامات پر ناکوں پر ابھی تک 380 سے زائد گاڑیوں کے چالان کئے گئے ہیںجبکہ 23گاڑیوں کو نان رجسٹریشن پر بندکردیا گیا۔
واضح رہے کہ ناکہ بندی صبح 8 بجے سے رات 8 بجے تک 2شفٹوں میں جاری رہے گی۔