سٹی42: لاہور کے علاقہ اقبال ٹاون میں شہری کے گھر پر نامعلوم افراد کی اندھا دھند فائرنگ ، علاقے میں خوف وہراس پھیل گیا۔ 

پولیس ذرائع کا کہنا ہے کہ فائرنگ سے کوئی جانی نقصان نہیں ہوا ہے۔ فائرنگ فلم، ٹی وی اور تھیٹر کے معروف ڈریس ڈیزائنر بابو کے گھر پر کی گئی جس کی کلوزسرکٹ فوٹیج بھی سامنے آ گئی ہے۔

سی سی ٹی وی میں دیکھا جا سکتا ہے کہ کالے رنگ کی گاڑی میں سوار ملزم تھوڑی دوری پر گاڑی پارک کرتا ، ہاتھ میں پستول تھامے گھر کا چکر لگاتا اور پھر فائرمگ کرتا ہے۔

پولیس نے بتایا کہ فائرنگ سے گھر کو نقصان پہنچا ہے۔

پولیس کی جانب سے نامعلوم افراد کے خلاف مقدمہ درج کر لیا گیا ہے اور ملزم کی تلاش کی جاری ہے۔