ناصر علی: سٹیج اداکارہ شیزہ بٹ کی بہن پر با اثر افراد کا مبینہ تشدد، داد رسی کے لیے سٹی فورٹی ٹو کے آفس پہنچ گئی ۔
با اثر افراد نے سٹیج اداکارہ شیزہ بٹ کی بہن فضہ بٹ کو شباب چوک کے قریب تشدد کا نشانا بنا ڈالا۔ فضہ کے مطابق وہ اور شیزہ پرفارمنس کے بعد گھر واپس جا رہی تھیں کہ شیزہ بٹ کے مبینہ دوست اصغر گجر نے اپنے بیٹوں کے ہمراہ وحدت کالونی کے علاقہ شباب چوک میں ان کی گاڑی روک لی۔
اپنی بہن کو نقصان سے بچانے کے لیے فضہ گاڑی سے اتری ہی تھی کہ اصغر گجر اور اسکے بیٹوں نے تھپڑوں اور گھونسوں کی بارش کر دی۔ ایس ا یچ او وحدت کالونی نے ملزمان کو اپنا دوست کہہ کر کارروائی سے انکار کر دیا،جبکہ شیزہ نے پیسے لے کر ملزمان سے صلح کر لی ۔ تشدد زدہ فضا بٹ نے چیف جسٹس آف پاکستان سے انصاف کی اپیل کی ہے۔