ویب ڈیسک: سابق کپتان مصباح الحق کے حوالہ سے کرکٹ لورز کو بڑا سرپرائز ملنے جا رہا ہے۔مصباح الحق چند روز میں پاکستان کرکٹ بورڈ میں بنیادی پوزیشن پر نظر آئیں گے۔
سابق کپتان مصباح الحق کو پاکستان کرکٹ بورڈ کی کرکٹ کمیٹی کا سربراہ بنانے کا فیصلہ کیا گیا ہے۔
پی سی بی کے زرائع نے بتایا ہے کہ مینیجمنٹ کمیٹی کے سربراہ ذکا اشرف نے کرکٹ کمیٹی کے ارکان کا چناو بھی مصباح الحق کی مشاورت سے کرنے کا عندیہ دیا ہے۔ پی سی بی کرکٹ کمیٹی کی تشکیل کا آئندہ چند روز میں اعلان متوقع ہے۔
کرکٹ کمیٹی میں وقار یونس اورمحمد حفیظ کی شمولیت بھی زیر غور ہے۔ بتایا گیا ہے کہ مصباح الحق مینجمنٹ کمیٹی کے سربراہ ذکاء اشرف کے مشیر برائے کرکٹ امور بھی ہونگے۔
کرکٹ کمیٹی کے سربراہ مصباح الحق کی مشاورت سے چیف سلیکٹر بھی مقرر کیا جائے گا۔