(مانیٹرنگ ڈیسک) بالی ووڈ کی معروف رقاصہ اور کوریو گرافر امالا شنکر ایک سو ایک(101) سال کی عمر میں انتقال کر گئیں، معروف ڈانسر اور کوریو گرافر جمعرات کی رات سونے کے بعد اٹھ نہ سکیں، اہل خانہ انہیں ہسپتال لے گئے جہاں ڈاکٹرز نے موت کی تصدیق کی۔
ان کے اہل خانہ کا کہنا ہے کہ امالا شنکر ضیعف العمری کے باعث اکثر بیمار رہتی تھیں، انہیں سوتے وقت دل کا دورہ پڑا اور وہ انتقال کرگئیں، امالا شنکر لیجنڈری ڈانسر اور کوریو گرافر اودے شنکر کی اہلیہ اور معروف ستار نواز پنڈت روی شنکر کی سالی تھیں۔ بالی ووڈ کی تمام شخصیات نے معروف ڈانسر کے دنیا سے گزر جانے پر افسوس کا اظہار کیا اور ان کی خدمات کو خراج تحسین پیش کیا۔
امالا شنکر کی پوتی سری ناندا شنکر نے سماجی رابطے کی ویب سائٹ پر لکھا کہ آج ہماری تھاما 101 برس کی عمر میں ہمیں چھوڑ کر چلی گئیں، ہم نے ایک ماہ قبل ان کی سالگرہ منائی تھی۔ انہوں نے لکھا کہ میں دکھی دل کے ساتھ ممبئی سے کلکتہ کا سفر کررہی ہوں تاکہ آخری رسومات میں شرکت کرسکوں، خدا ان کی روح کو امن و سلامتی عطا کرے۔
Today my Thamma left us at the age of 101. We just celebrated her birthday last month.
— Sreenanda Shankar (@Sreenanda) July 24, 2020
Feeling so restless that there is no flight from Mumbai to Kolkata. Heartbroken ????
May her soul Rest in peace. This is an end of an era. Love you Thamma. Thank you everything. #AmalaShankar pic.twitter.com/tDh2dkdRhn
ان کی پوتی نے مزید لکھا کہ تھاما آپ کے جانے سے ایک دور کا اختتام ہوا، ہر چیز پر میں آپ کی شکر گزار ہوں۔
???? pic.twitter.com/oVYTBimFhu
— Sreenanda Shankar (@Sreenanda) July 24, 2020
یاد رہے کہ اس سے قبل تین جولائی کو چار دہائیوں تک بالی ووڈ انڈسٹری پر راج کرنے والی معروف کوریئو گرافر سروج خان 70 برس کی عمر میں اچانک انتقال کرگئیں تھیں۔