(سٹی42)پاکستان کے معروف گلوکار اور شوبز انڈسٹری کی نامور ادکارہ سارہ خان کے خاوند فلک شبیر نے کاخاتون کی فرمائش کو پورا کردیا،شادی کے بعد اہلیہ کے ساتھ ڈیزائنر زینب چوٹانی کے ہاں فوٹو شوٹ کرائے،اس موقع پر ڈیزائنر زینب نے ان سے گانے کی فرمائش کی۔
تفصیلات کے مطابق شادی کے بعد گلوکار فلک شبیر اور اہلیہ اداکارہ سارہ خان نے پہلا فوٹوشوٹ کروایا، دونوں نےڈیزائنر زینب چوٹانی کی برائیڈل کلیکشن کے لیے فوٹو شوٹ کروایا۔اس موقع پر ڈیزائنر زینب چوٹانی نے گلوکار فلک سے گانا’’ساجناں‘‘ کی فرمائش کی جس کوفلک نے پورا کیا،گانے کی ویڈیو کو شائقین کی جانب سے سراہا جا رہا ہے۔
ذرائع کا کہناتھا کہ اداکارہ سارہ خان اور فلک شبیر نے شادی کے بعد پہلا فوٹو شوٹ کرایا،ان کا یہ پہلا فوٹو شوٹ عید الاضحیٰ کے بعد پیش کی جائے گا ابھی فوٹو شوٹ کی صرف بی ٹی ایس ویڈیوز کی سوشل میڈیا پر شیئر کی گئی ہیں۔
واضح رہے کہ اداکارہ سارہ خان نےگلوکار فلک شبیر سے پہلےمنگنی اور جلد دونوں شادی کے بندھن میں بھی بندھ گئے،ایک ہفتے پہلے شادی کی اس موقع پر دونوں فنکاروں کی جانب سے اُن کے سوشل میڈیا اکاؤنٹس پر کوئی تصویر اور ویڈیو شیئر نہیں کی گئی تھی جبکہ تقریب میں شرکت کرنے والے مہمانوں نے اپنے کیمروں میں جو قیمتی لمحات محفوظ کیے انہیں سوشل میڈیا پر شیئر کردیا۔
نکاح کے فورا بعد سارہ خان نے فوٹو اور ویڈیو شیئرنگ ایپ انسٹاگرام کے اپنے تصدیق شدہ اکاؤنٹ کا نام تبدیل کرکے ’’مسز فلک‘‘ کردیا ہے۔پاکستان شوبز انڈسٹری اور میوزک فیشن انڈسٹری کی جانب سے دونوں کی کو مبارک باد دی گئی اور نیک خواہشات کا اظہار کیا گیا،مداحوں کی جانب سے ابھی بھی نیک تمناوں کا سلسلہ جاری ہے۔