ویب ڈیسک:ملک میں ون ڈے ہو یا ٹی ٹوئنٹی یا پھر ٹیسٹ سیریز، کرکٹ کے دیوانے پہنچ جاتے ہیں، کرکٹ کے شوقین افراد میں صرف نوجوان، بچے، بڑے ، خواتین ہی نہیں بلکہ بزرگ بھی شامل ہیں، کرکٹ کا بخار نوبیاجوڑوں کو بھی ہوتا ہے،ملتان میں پاکستان اور ویسٹ انڈیز کے درمیان دوسرے ٹیسٹ میں نوبیاہتا جوڑا بھی میچ دیکھنے پہنچ گیا۔
ملتان میں دُلہا اور دُلہن میچ دیکھنے کے لیے بن سنور کر پہنچے اور دُلہن کی خواہش پر دُلہا اسے ولیمے کے لباس میں ہی اسٹیڈیم لے آیا۔
اسٹیڈیم آمد پر گفتگو کرتے ہوئے لڑکی نے کہا کہ میں نے کبھی لائیو میچ نہیں دیکھا، اس لیے شوہر سے لائیو میچ دیکھنے کی فرمائش کی تھی جو انہوں نے پوری کردی۔
اس موقع پر لڑکے نے کہا کہ آج ہمارا ولیمہ ہے، دعاگو ہوں اللہ پاکستان کو فتح دلوائے۔