ویب ڈیسک :فلمی دنیا کے سب سے معتبر سمجھے جانے والے ’آسکرز ایوارڈ‘ کی نامزدگیوں کا اعلان کردیا گیا۔
تفصیلات کے مطابق نیٹ فلکس کی ہسپانوی زبان کی فلم’’Emilia Perez‘‘نے آسکرز کی سب سے زیادہ 13 نامزدگیاں جبکہ فلم ’’The Brutalist‘‘ اور’’Wicked‘‘نے 10،10 نامزدگیاں حاصل کیں،تینوں فلمیں آسکرز ایوارڈ میں بہترین فلم کا ٹائٹل جیتنے کے لیے مقابلہ کریں گی۔
بہترین اداکارہ کے ایوارڈ کے لیے 'Emilia Perez' کی اسٹار کارلا سوفیا کو بھی نامزد کیا گیا ہے جبکہ اداکارہ ڈیمی مور نے 4 دہائیوں کے کیریئر میں پہلی بار آسکر نامزدگی حاصل کی ،بہترین اداکارہ کے لیے سنتھیا اریوو، مائیکی میڈیسن اور فرنینڈا ٹورس ، بہترین اداکار کی کیٹیگری میں ایڈرین بروڈی، تمیتھی شیلیمے، کولمین ڈومنگو، رالف فائنز اور سیبیسٹین اسٹین نامزد بھی ہیں۔
لاس اینجلس کے جنگلات کی آگ کی وجہ سے نامزدگیوں کو 2 بار ملتوی کیا گیا تھا،97 ویں آسکرز ایوارڈ 2مارچ 2025 کو منعقد ہونے ہیں۔