علی ساہی:وزیراعلیٰ پنجاب مریم نواز شریف کا محفوظ پنجاب ویژن کے تحت شرپسند، دہشت گرد و جرائم پیشہ عناصر کی سرکوبی کیلئے سرچ اینڈ کومبنگ آپریشنز جاری ہے۔
اس سلسلے میں لاہور سمیت صوبہ بھر میں روزانہ کی بنیاد پر سرچ اینڈ کومبنگ آپریشنز کا سلسلہ جاری ہے۔گزشتہ 24 گھنٹوں میں لاہور سمیت صوبہ بھر میں 504 سرچ و کومبنگ آپریشنز کئے گئے۔
ترجمان پولیس کے مطابق 21385افرادسےپوچھ گچھ کی گئی، 123 مشتبہ افراد کو حراست میں لیا گیا۔
ترجمان نے بتایا کہ رواں سال پہلے 24 دنوں میں صوبہ بھر میں 6830 سرچ اینڈ کومبنگ آپریشنز کئے گئے،مجموعی طور پر 1 لاکھ 70 ہزار سے زائد افراد سے پوچھ گچھ کی گئی۔
آپریشنز کے دوران 6754مشتبہ افراد کو حراست میں لیا گیا، 152 پسٹلز ، 3 بندوقیں، 22 رائفلیں 8 کلاشنکوف برآمد کی گئیں۔
آئی جی پنجاب نے سرچ ، سویپ اور انٹیلی جنس بیسڈ کومبنگ آپریشنز میں مزید تیزی کا حکم دیا ہے۔