ویب ڈیسک: خضدار میں دھماکے میں ایک پولیس اہلکار جاں بحق،3 زخمی ہو گئے جن کی حالت تشویشناک بتائی جاتی ہے۔
تفصیلات کے مطابق جھالاوان کمپلیکس کے ایریا میں ایس ایس پی خضدار کے سکواڈ پر بم دھماکہ ہوا ہے، ایس ایس پی کا ڈرائیور محمددین موقع پر جاں بحق ہو گیاجبکہ3 اہلکار زخمی ہو گئے ہیں،شدید زخمیوں میں عبدالسلام،عبدالطیف اور صدام شامل ہیں۔
دھماکے کی اطلاع ملتے ہی پولیس اور امدادی ٹیمیں جائے وقوعہ پر پہنچ گئیں اور علاقے کو گھیرے میں لے کر سرچ آپریشن شروع کردیا ہے۔
صوبائی وزیر داخلہ میر ضیا اللہ لانگو نے خضدار میں ایس پی کے سکواڈ پر دھماکہ کی مذمت کی ہے،وزیر داخلہ نے شہید ڈرائیور کے لواحقین سے اظہار تعزیت اور ہمدردی کااظہار کیا ہے،وزیر داخلہ نے ضلعی انتظامیہ کو واقعہ کے زخمی کو طبی سہولیات فراہم کرنے کی ہدایات کرتے ہوئے کہاکہ اس طرح حملوں سے ہمارے حوصلے پست نہیں ہونگے،وزیر داخلہ نے زخمی ہونے والے فرد کی مکمل اور جلد صحت یابی کیلئے دعاکی۔