ویب ڈیسک:اپنی ماں کے مرنے پر لنگور کا بچہ رو پڑا جس کی ویڈیو دیکھ کر سوشل میڈیا صارفین بھی افسردہ ہوگئے۔

بھارتی میڈیا رپورٹس کے مطابق یہ حادثہ بھارتی ریاست آسام میں پیش آیا جہاں ایک تیز رفتار گاڑی نے سڑک پار کرنے والی مادہ لنگور کو ٹکر مار دی جس سے وہ موقع پر ہی ہلاک ہوگئی جب کہ اس کی گود میں بچہ بھی تھا جو حادثے میں محفوظ رہا۔

انڈین فوریسٹ سروس  کے ایک افسر  کی جانب سے اس ویڈیو کو اپنے ٹوئٹر اکاؤنٹ پر شیئر کیا گیا ہے جس میں دیکھا جاسکتا ہے کہ مادہ لنگور سڑک پر مردہ پڑی ہے جب کہ اس کا بچہ اپنی ماں کے پاس بیٹھ کر رو رہا ہے اور اپنی ماں کو اٹھانے کی بھی کوشش کرتا ہے۔

This will hunt me for a long long time????????
A Golden langur assassinated on the road in Assam. The baby still in its arm not knowing what has befallen him.

I am informed that all steps are being taken to save the baby. pic.twitter.com/iMOcEHquZw

— Susanta Nanda (@susantananda3) February 24, 2023

ویڈیو میں دیکھا گیا کہ مادہ لنگور کے پاس لوگ بھی کھڑے ہیں جسے دیکھ کر لنگور کا بچہ چیخ وپکار بھی کرتا ہے۔ افسر  کی جانب سے ویڈیو کے کیپشن میں لکھا گیا کہ مجھے یہ منظر بہت لمبے عرصے تک تکلیف پہنچاتا رہے گا، گولڈن لنگور کا آسام کی سڑک پر قتل ہوا ہے۔انہوں نے مزید لکھا کہ میں یہ بتانا چاہتا ہوں کہ بچے کو بچانے کے لیے تمام اقدام کیے گئے ہیں۔

سوشل میڈیا صارفین کی جانب سے بچے کے رونے اور ماں کے مرنے پر دکھ کا اظہار کیا جارہا ہے۔