ویب ڈیسک : جوائنٹ چیفس آف سٹاف کمیٹی کے چیئرمین جنرل ساحر شمشاد مرزانےکویت کے سرکاری دورہ پرولی عہد شیخ صباح الخالد الحمد الرحمٰن سے ملاقات کی جس میں دوطرفہ امور اور دفاعی تعاون پر تبادلہ خیال کیا گیا۔
پاک فوج کے شعبہ تعلقات عامہ آئی ایس پی آر کے مطابق جنرل ساحر شمشاد مرزانےکویت کے اول نائب وزیراعظم اور وزیر دفاع شیخ فہد یوسف الصباح سمیت دیگر حکام سے ملاقاتیں بھی کیں۔ کویت پہنچنے پر چاق و چوبند دستے نے چیئرمین جوائنٹ چیفس آف اسٹاف کمیٹی جنرل ساحر شمشاد مرزا کو گارڈ آف آنر پیش کیا۔
آئی ایس پی آر نے کہا کہ دونوں جانب سے دفاع اور سیکیورٹی کے شعبوں میں باہمی تعاون کو بٹھانے کے لیے نئی راہیں تلاش کرنے کی اہمیت پر زور دی گئی، اس دوران جوائنٹ چیفس آف سٹاف کمیٹی کے چیئرمین جنرل ساحر شمشاد مرزا نے مبارک العبداللہ جوائنٹ کمانڈ اینڈ سٹاف کالج کا بھی دورہ کیاجہاں ان کو اکیڈمی میں ہونے والی تربیتی سرگرمیوں کے بارے میں بریفنگ دی گئی۔