موسم  سرد اور خشک  رہےگا؛ محکمہ موسمیات

روزینہ  علی : موسم  سرد اور خشک  رہے گا محکمہ موسمیات  نے پیش گوئی کرتے ہوئے بتایا کہ  بارش کا کوئی امکان نہیں جبکہ ہلکی دھند چھائے رہنے کی توقع ہے 

آج رات موسم کی صورتحال  
ملک کے بیشتر علاقوں میں موسم سرد اورخشک جبکہ پہاڑی علاقوں میں شدیدسرد رہنے کا امکان ہے ۔ پنجاب کے چند میدانی علا قوں اور با لا ئی سندھ میں سموگ یادُھند چھائے رہنے کی توقع ہے ۔

آج کم سےکم درجہ حرارت لہہ منفی13، اسکردومنفی11، استور، گوپس منفی08، گلگت منفی07، کوئٹہ،زیارت منفی06،ہنزہ،بگروٹ اوردیر میں منفی05 ڈگری سینٹی گریڈ ریکارڈ کیا گیا۔

جمعرات کے روزموسم کی صورتحال: 

    اسلام آباد اور گردونواح میں موسم سرد اور خشک جبکہ صبح کے اوقات میں موسم شدید سرد اور کہرا پڑنے کی تو قع ہے ۔       صوبہ خیبرپختونخواکے بیشتر اضلاع میں موسم سرد اورخشک جبکہ پہاڑی علاقوں میں شدید سرد رہنے کا امکان ہےصبح کے اوقات میں ایبٹ آباد، مانسہرہ ،صوابی، مردان، پشاور، نوشہرہ، کوہاٹ اور گردو نواح میں چند مقامات پر کہرا پڑنے کی توقع ہے ۔

      صوبہ  پنجاب کے بیشتر اضلاع میں موسم سرد اور خشک رہنے کی توقع ہے ۔ مری، گلیات اور گردو نواح میں موسم شدید سرداورمطلع جز وی ابر آلود رہنے کے ساتھ شام یارات میں ہلکی بارش یاہلکی برفباری کا امکان ہے  صبح کے اوقات میں خطہ پو ٹھو ہار،مری، گلیات اور گردو نواح میں کہرا پڑنے کی تو قع ہے ۔ صبح اور رات کے اوقات میں سیالکوٹ، نارووال، گوجرانوالہ، منگلا، لاہور، شیخوپورہ، ساہیوال، فیصل آباد،جھنگ، سر گو دھا ،اوکاڑہ ، ملتان،بہاولپور، بہا ولنگر، رحیم یار خان ،ڈی جی خان اور گردونواح میں ہلکی سے درمیانی دھند یاسموگ چھائے رہنے کی توقع ہے ۔ 

    صوبہ بلوچستان کے بیشتر اضلاع میں موسم سرد اورخشک جبکہ پہاڑی علاقوں میں صبح اور رات کے اوقات میں شدیدسرد رہنے کا امکان ہے ۔ سندھ کے بیشتر اضلاع میں موسم سرد اورخشک رہنے کا امکان ہے تاہم صبح یارات کے اوقات میں سکھر ، شہید بینظیر آباد،شکارپور، کشمور، خیر پور، مو ہنجو دارو اور گردونواح میں دھند یاسموگ چھائے رہنے کی توقع ہے ۔ کشمیر اور  گلگت بلتستان میں موسم شدید سرد اور خشک رہنے کا امکان  ہے ۔