پولیس افسران ،جوان انتہائی الرٹ رہیں، مشکوک افراد پر کڑی نظر رکھیں:سی سی پی او لاہور

عرفان ملک:لاہور پولیس کی جانب سے یوم ِ ِ قائد ؒ ،کرسمس کے موقع پر سکیورٹی کے فول پروف انتظامات کئے گئے ہیں۔
سی سی پی او  بلال صدیق کمیانہ کے مطابق لاہورمیں 5ہزار سے زائدافسران ،جوانوں کو سکیورٹی ڈیوٹی پر تعینات کیا گیا ،مسیحی عبادت گاہوں کے ساتھ تفریحی مقامات کو بھی فول پروف سکیورٹی فراہم کی گئی ۔
ٹریفک انتظامات بہتر بنانے کے لیے ٹریفک وارڈنز کی اضافی نفری تعینات کی گئی ،حساس گرجاگھروں پرپولیس کی اضافی نفری سمیت اسنائپرز بھی تعینات کئے گئے ہیں۔
 سی سی پی او نے ہدایت کی ہے کہ فیلڈ افسران مسیحی عبادت گاہوں ،تفریحی مقامات کی سکیورٹی کی خود مانیٹرنگ کریں،لاہور پولیس شہریوں کی جان و مال کے تحفظ کیلئے فرض شناسی سے ڈیوٹی سر انجام دے۔
بلال صدیق کمیانہ نے کہا کہ سپروائزری افسران گرجا گھروں کی انتظامیہ سے مسلسل رابطے میں رہیں،پولیس افسران ،جوان انتہائی الرٹ رہیں، مشکوک افراد پر کڑی نظر رکھیں،
ہوائی فائرنگ، ون ویلنگ ،ہلڑ بازی کرنیوالوں کیساتھ کوئی رعایت نہیں برتی جائے گی۔