سٹی 42 : پاکستان شوبز انڈسٹری سے تعلق رکھنے والی خوبرو اداکارہ منال خان کی سوشل میڈیا پر لال رنگ کے دیسی لباس میں تصویر خوب وائرل ہو رہی ہے۔
تفصیلات کے مطابق 2020ء میں منال خان کے تقریباً سب ہی ڈرامے شائقین کی توجہ کا مرکز بنے رہے، منال خان کا رواں سال آنے والا ہر ڈرامہ ہٹ گیا اور منال خان نے اپنے مداحوں سے بھی کافی داد سمیٹی۔
معصوم سی صورت والی منال خان ڈراموں میں اب تک منفرد کردار ادا کر چکی ہیں اور سب ہی میں اُنہوں نے اپنے کرداروں کے ساتھ شاندار اداکارانہ صلاحیتوں کے ساتھ وفا کی ہے۔ منال خان آج کل نئے پروجیکٹ میں مصروف ہیں جس کی شوٹنگ کسی گاؤں دیہات میں جاری ہے، ڈرامے کی شوٹنگ کی لوکیشن تو کسی کو نہیں معلوم مگر منال خان کے نئے پروجیکٹ سے متعلق سوشل میڈیا پر وائرل رتصاویر سے اندازہ لگایا جا سکتا ہے کہ اب وہ اپنے نئے ڈرامے کسی دیہاتی لڑکی کا کردار ادا کرنے جا رہی ہیں جس کا نام ’ شمیم‘ ہوگا۔
منال خان کی جانب سے اسی پروجیکٹ سے متعلق اپنے فوٹو، ویڈیو شیئرنگ ایپلیکیشن انسٹا گرام پر ایک نئی تصویر شیئر کی گئی ہے جس میں وہ لال رنگ کی شلوار، قمیص اور دوپٹے میں نہایت حسین نظر آ رہی ہیں۔
View this post on Instagram
تصویر میں دیکھا جا سکتا ہے منال خان نے کلائیوں میں لال چوڑیاں بھی پہن رکھی ہیں اور بالوں میں لال پھول بھی لگایا ہوا ہے، منال خان کا نیا انداز مداحوں کو خوب بھا رہا ہے۔
منال خان کی جانب سے شیئر کی گئی اس تصویر پر تا حال ہزاروں لائیکس اور کمنٹس آ چکے ہیں جبکہ جن میں مداح اُن کے اس نئے روپ کی خوب تعریفیں کر رہے ہیں۔