(ویب ڈیسک)بھارت میں ایک بیٹے نے اپنی والدہ کو شادی کیلئے لڑکی ڈھونڈنے میں ناکامی پر اس کو جان سے ہی مار دیا۔
بھارتی میڈیا کے مطابق افسوسناک واقعہ ریاست تلنگانہ کے بندہ میلرام گاؤں میں پیش آیا جہاں بیٹے نے 45 سالہ والدہ پر شادی کیلئےلڑکی ڈھونڈ دینے میں ناکامی پر اینٹوں سے بہیمانہ تشدد کیا اور پھر گلا کاٹ کر اسے جان سے مار دیا۔
بھارتی پولیس کے مطابق قتل ہونے والی خاتون کی بیٹی کی جانب سے پولیس کو شکایت درج کی گئی ہے جس کے بعد پولیس نے بیٹے سمیت ایک رشتہ دار کو گرفتار کرلیا، خاتون کو اینٹ کے ذریعے مارا پیٹا گیا اور پھر پولیس کو گمراہ کرنے کے لیے خاتون کا گلا کاٹ کر اس کی ٹانگیں بھی کاٹ دی گئیں۔
پولیس کے مطابق گرفتار ملزمان نے دوران تفتیش اپنے جرم کا اعتراف بھی کرلیا ہے۔