عابد چودھری: قذافی سٹیڈیم میں پی ایس ایل میچز کیلئے ٹریفک انتظامات مکمل ،پارکنگ پلان جاری، میچ کے دوران 600کے قریب ٹریفک پولیس اہلکار ڈیوٹی سرانجام دیں گے۔

 سی ٹی او لاہور ڈاکٹر اطہر وحید کا کہنا تھا کہ رانگ پارکنگ روکنے کےلئے 20 فورک لفٹرز،4 بریک ڈاؤنز ہر وقت تیار ہونگی، ڈیفنس سے آنیوالے شرکا سی بی ڈی سنٹر پوائنٹ سے ٹرن لیکر گاڑیاں پارک کرینگے۔
فیروز پور روڈ سے شرکا گورنمنٹ کالج گلبرگ میں گاڑیاں پارک کریں گے، ڈیفنس کینٹ سے آنیوالے شرکامین بلیوارڈ گلبرگ سے لبرٹی میں گاڑیاں پارک کرینگے، مغل پورہ گڑھی شاھو سے آنیوالے شرکا سن فورٹ ہوٹل لبرٹی پارکنگ میں پارک کرینگے۔

سی ٹی او ڈاکٹر اطہر وحید کا کہنا تھا کہ کسی بھی روڈ کو مستقل طور پر بند نہیں رکھا جائے گا، تمام سڑکیں بشمول مال روڈ جیل روڈ کینال روڈ ٹریفک کیلئے کھلی رہیں گی، فیروز پور روڈ ،مین بلیووارڈ گلبرگ پر بھی ٹریفک معمول کے مطابق چلتی رہے گی۔

شہریوں اور شائقین کرکٹ کو ٹریفک کا کوئی مسئلہ نہیں ہوگا، شہری رانگ پارک ہرگز نہ کریں، مقررہ پارکنگ سٹینڈز میں اپنی گاڑی پارک کریں، راستہ ایپ،راستہ ایف ایم 88.6 کے ذریعے شہریوں کو آگاہ رکھا جائے گا۔