سٹی42: چیمپئنز ون ڈے کپ کےپہلے کوالیفائر (سیمی فائنل) میں پینتھرز نے مارخورز کو 7 وکٹوں سے ہرا دیا۔ پینتھرز اب فائنل میں پہنچ گئے ہیں۔
فیصل آباد کے اقبال سٹیڈیم میں کھیلے گئے پلے آف راؤنڈ کے پہلے کوالیفائر میں مارخورز نے ٹاس جیت کر پہلے بیٹنگ کی۔ پہلے بیٹنگ کرنے کا فیصلہ مارخورز کیلئے سود مند نہیں نکلا اور ان کی چار وکٹیں سرف 25 رنز پر ہی گر گئیں، پوری ٹیم 137 رنز بنا پائی،
مارخورز کے حسیب ا للہ 3، کامران غلام 1 ،محمد رضوان 0 اور فخرز مان 11 رنز بناسکے۔ 4 وکٹیں گرنے کے بعد آغا سلمان نے 52 اور افتخار احمد نے 39 رنز بناکر ٹیم کو چاروں شانے چت ہونے سے بچایا اور تھوڑا اسکور بڑھایا لیکن وہ بھی باری باری آؤٹ ہوگئے جس کے بعد کوئی دوسرا بیٹر سکور نہ بنا سکا اور مارخورز کی پوری ٹیم 36 اوورز میں 137 رنز بناکر آؤٹ ہو گئی۔ مارخورز کے کپتان محمد رضوان بغیر کوئی رن بنائے محمد حسنین کی گیند پر آؤٹ ہوئے۔ مارخورز کے 7 بیٹر ڈبل فگر میں داخل نہیں ہوسکے۔
پینتھرز کی جانب سے صائم ایوب نے شاندار بولنگ کا مظاہرہ کرتے ہوئے 5 اور محمد حسنین نے 3 کھلاڑیوں کو آؤٹ کیا ۔
جواب میں پینتھرز نے 138 رنز کا ہدف 24 ویں اوور میں 3 وکٹوں کے نقصان پر حاصل کرلیا۔عثمان خان 54 رنز بناکر ناٹ آؤٹ رہے جبکہ عمر صدیق نے 35 اور صائم ایوب نے 33 رنز بنائے۔
اس فتح کے ساتھ پینتھرز نے ایونٹ کے فائنل کے لیے کوالیفائی کرلیا۔ مارخورز کو فائنل میں جانے کے لئے ایک چانس اور ملے گا۔
پہلا الیمینیٹر میچ
بدھ کو پہلے ایلمینیٹر میچ میں اسٹالینز کا مقابلہ لائنز سے ہوگا۔ اس میچ میں جیتنے والی ٹیم دوسرے ایلمینیٹر میں مارخورز کے ساتھ کھیلے گی۔ دوسرے الیمینیٹر میں جیتنے والی ٹیم فائنل میں جائے گی جہاں پینتھرز ان کا انتظار کر رہے ہیں۔