پنجاب پولیس انٹرن شپ کے آٹھویں بیج کا آغاز،38 طلبا و طالبات شامل

 علی ساہی : پنجاب پولیس انٹرن شپ کے آٹھویں بیج کا آغاز ہوگیا۔ افتتاحی تقریب سنٹرل پولیس آفس میں منعقد ہوئی ۔سٹوڈنٹ انٹرن شپ کے آٹھویں بیج میں لاہور گریژن یونیورسٹی کے 38 طلبا و طالبات شامل ہیں 
انٹرن شپ بیج میں مختلف ڈگری پروگرامز کے طلبا و طالبات شامل ہیں۔اے آئی جی ٹریننگ فیصل مختار نے طلبا و طالبات کو انٹرن شپ پروگرام کے فیچرز بارے آگاہ کیا۔انٹرن شپ میں شامل طلبا کو گروپس میں 06 ہفتے دورانئے کیلئے مختلف فیلڈ فارمیشنز کے ساتھ اٹیچ کیا گیا ہے۔ ڈی آئی جی ٹریننگ کاکہنا ہے کہ طلبا و طالبات کو فیلڈ پولیسنگ ، انسداد جرائم اور پبلک سروس ڈلیوری کے پراجیکٹس بارے آگاہ کیا جائے گا۔انفارمیشن ٹیکنالوجی، سی ٹی ڈی، سپیشل برانچ ، سیف سٹی اتھارٹی اور انویسٹی گیشن میں پولیسنگ امور بارے مکمل آگاہی دی جائے گی۔طلبا و طالبات انٹرن شپ سے حاصل ہونے والے مشاہدات بارے اپنی پریزنٹیشن رپورٹس بھی پیش کریں گے۔پنجاب پولیس تعلیم و تحقیق کے میدان میں طلبا و طالبات کے ساتھ براہ راست رابطے کو فروغ دے رہی ہے