(فاران یامین)شاہدرہ سگیاں روڈ کے قریب پولیس اور ڈاکوؤں میں مقابلہ کے دوران ایک ڈاکو  اپنے ساتھی کی فائرنگ سے زخمی  ہو گیا۔
پولیس  کے مطابق  دوران چیکنگ 2موٹر سائیکل سواروں کو روکنے کی کوشش کی،ڈاکوؤں نے رُکنے کی بجائے پولیس پر سیدھی فائرنگ شروع کر دی۔شاہدرہ پولیس کی جانب سے حفاظت خود اختیاری اپنائی گئی،فائرنگ رُکنے پر ایک ڈاکو اپنے ساتھی کی فائرنگ سے زخمی ہو گیا جسے گرفتار کر  کے ہسپتال منتقل کر  دیا گیا۔
زخمی ڈاکو کی شناخت شیروز کے نام سے ہوئی ،گرفتار ملزم ڈکیتی ،چوری جیسی 30 سے زائد وارداتوں میں مطلوب تھا،ملزم سے دوران واردات چھینی ہوئی موٹر سائیکل اور غیر قانونی اسلحہ برآمد کر لی گئی۔

 پولیس کے مطابق فرار ڈاکو کی تلاش جا ری ہے۔