ویب ڈیسک:سنئیر صحافی ایازمیرکی بہو کےقتل کے معاملے میں بڑی پیشرفت سامنے آئی ہے۔گزشتہ روز پوسٹ مارٹم کی رپورٹ کے مطابق مقتولہ سارہ کے جسم کے مختلف حصوں پر زخموں کے نشانات تھے۔
تفصیلات کے مطابق اسی تناظر میں اسلام آباد کے تھانہ شہزاد ٹاون میں سینئر صحافی ایاز امیر کی بہو کےقتل کا مقدمہ درج کر لیا گیا۔سینئر صحافی ایاز امیر کی بہو کےقتل کا مقدمہ ایس ایچ او تھانہ شہزاد ٹاون کی مدعیت میں درج کیا گیا۔ ایف آئی آر کے متن کے مطابق ایس ایچ کا کہنا ہے کہ موقع پر پہنچا تو خاتون نے بتایا کہ میرے بیٹے نے اپنی بیوی کو قتل کر دیا ہے۔
ملزم کو گرفتار کرنے کے لیے ٹیم اندر گئی تو ملزم نے خود کو کمرہ میں بند کر لیا۔کمرہ کھولنے کے بعد ملزم کو قابو کر لیا گیا۔ملزم نے بتایا کہ اس نے لڑائی کے دوران اپنی بیوی کے سر پر ڈمبل سے وارکیا۔ایف آئی آر کے مطابق ملزم نے قتل کے بعد لاش کو واش روم میں چھپا دیا۔ملزم نے صوفہ کے نیچے سے آلہ قتل ڈمبل بھی خود برآمد کرایا۔ڈمبل کے اوپر خون اور بال لگے ہوئے تھے۔ملزم کا کہنا تھا کہ اس نے ڈمبل کے متعدد وار کر کے قتل کیا۔
واضح رہے کہ سینئر صحافی ایاز امیر کے بیٹے شاہنواز نے اپنی اہلیہ کو گھر میں قتل کر دیا تھا جس کے بعد پولیس نے اسے گرفتار کر لیا ہے۔ملزم شاہنواز کی اپنی اہلیہ سارہ کے ساتھ شادی ایک ماہ قبل ہوئی تھی اور مقتولہ کینیڈین شہری تھی جو ایک ہفتے قبل پاکستان آئی۔ شاہنواز کی مقتولہ سے دوسری شادی تھی۔