(اسرار خان)شہر میں ٹریفک حادثات میں کمی نہ آ سکی ۔ گزشتہ 24 گھنٹوں کے دوران 280 ٹریفک حادثات ہوئے ۔ حادثے کے نتیجے میں زخمی ہونے والے 112 شدید زخمیوں کو فوری طبی امداد کیلئے مقامی ہسپتالوں میں منتقل کیا گیا۔
ریسکیو 1122 کے اعداد و شمار کے مطابق گزشتہ چوبیس گھنٹوں کے دوران شہر کے مختلف علاقوں میں ہونے والے 280 ٹریفک حادثات پر امدادی ٹیمیں روانہ کی گئیں،حادثات کی زد میں آکر مجموعی طور پر 293 افراد زخمی ہوئے، 112 شدید زخمیوں کو فوری طبی امداد کے لئے مقامی ہسپتالوں میں منتقل کیا گیا ، 181 معمولی زخمیوں کو موقع پر فرسٹ ایڈ فراہم کی گئی۔
ریسکیو حکام کا کہنا ہے کہ ٹریفک حادثات تیز رفتاری، غفلت برتنے اور ٹریفک قوانین کی خلاف ورزی کے باعث پیش آئے ۔