ویب ڈیسک : بالی ووڈ کے سلطان سلمان خان نے اپنی زندگی کا سب سے خفیہ راز اور  طویل ترین واحد رشتے کے بارے میں بتا ہی دیا۔

    رپورٹ کے مطابق کہ بگ باس سیزن 15 اگلے ماہ 2 اکتوبر سے شروع ہورہا ہے۔ جس کی میزبانی ہمیشہ کی طرح  سلمان خان کررہے ہیں ۔ سلمان خان اس بار شو کی میزبانی کے لیے 14 ہفتوں کا معاوضہ 350 کروڑ روپے لیں گے۔ یعنی ہر ہفتے انہیں 25 کروڑ روپے معاوضہ دیا جائے گا۔ سلمان خان ہفتے میں دو دن بگ باس شو کی میزبانی کرتے ہیں۔ سلومیاں پچھلے 11 سیزن سے بگ باس کی میزبانی کرتے آرہے ہیں۔ یہی وجہ ہے کہ اس شو کے ساتھ سلمان خان کا رشتہ بہت انوکھا ہے۔

حال ہی میں ایک پریس کانفرنس کے دوران بالی ووڈ کے دبنگ خان نے اپنے اور بگ باس شو کے رشتے کے بارے میں بتایا کہ بگ باس میری زندگی کا واحد رشتہ ہے جو اتنے عرصے سے قائم ہے۔ ورنہ میرے رشتے۔۔ چلیے چھوڑئیے ،،،،،، ۔انہوں نے کہا ہم دونوں ہی ’’سنگل‘‘ ہیں اور یہی وجہ ہے کہ ہم دونوں خود کو بغیر کسی خوف اور مداخلت کے ’’باس‘‘ سمجھ سکتے ہیں۔ یہ شو میرے صبر کی انتہا کو چیلنج کرتا ہے۔ ہر بار جب میرے صبر کا پیمانہ لبریز ہوجاتا ہے تو مجھے ایسا محسوس ہوتا ہے کہ مجھے یہ نہیں کرنا چاہئے تھا ۔