عابد چوہدری : ٹریفک پولیس کم عمر ڈرائیورز کے خلاف پولیس کا کریک ڈاؤن جاری ہے ،رواں  سال  کم عمر ڈرائیورز کو 2 لاکھ 83 ہزار 153 چلان ٹکٹ جاری کردیے گئے 
ایڈیشنل آئی جی ٹریفک  نے  کم عمر ڈرائیورز کیخلاف کریک ڈاؤن جاری رکھنے کاحکم دیا ہے ۔ ترجمان  ٹریفک پولیس کے مطابق رواں سال کم عمر ڈرائیورز کو 2 لاکھ 83 ہزار 153 چلان ٹکٹ جاری ہوئے ۔ رواں سال کم عمر ڈرائیورز کے خلاف کارروائیوں میں428فیصداضافہ دیکھنے کو ملا ، رواں سال کم عمر ڈرائیورز کیخلاف کریک ڈاؤن میں 80 ہزار سے زائد موٹرسائیکلیں بند کی گئیں ۔ 53ہزارسےزائدوالدین سےبیان حلفی لیاگیاکہ بچوں کوڈرائیونگ کی اجازت نہیں دینگے۔کم عمر ڈرائیورز کو 2ہزارکا چالان ،موٹر سائیکل بند ، بیان حلفی جیسی سختیوں کا سامنا کرنا پڑ رہا  ہے ۔ 

ایڈیشنل آئی جی ٹریفک فاران بیگ کا کہنا ہے کہ بغیر لائسنس گاڑی چلانا جرم ہے اور اپنے بچوں کا مستقبل تاریک مت بنائیں۔