(ویب ڈیسک) اکشے کمار اور کترینا کیف فلم سوریا ونشی کی پروموشنل مہم پر ہیں۔ کترینا نے ساتھی اداکاروں اکشے کمار اور روہت شیٹھی کی ایک پرمزاح ویڈیو شیئر کی ہے۔
تفصیلات کے مطابق اپنے انسٹاگرام پر شیئر کی گئی اس ویڈیو میں اکشے کو سوتے ہوئے دیکھا جاسکتا ہے۔ کترینا نے یہ ویڈیو پوسٹ کرتے ہوئے تحریر کیا کہ ہماری پروموشنل مہم کے پہلے دن لڑکوں کا جوش وجذبہ دیکھیے۔
ویڈیو بنتے دیکھ کر اکشے کترینا سے کہتے ہیں یہ سب ریکارڈ نہ کرو، ہماری بھی شہرت اور ساکھ ہے۔ یہ کہہ کر وہ روہت کے ساتھ گرتے پڑتے وہاں سے بھاگ جاتے ہیں۔
واضح رہے کہ کترینہ کیف نے کا شمار ہندوستان کی خوبصورت ترین خواتین میں کیا جاتا ہے۔کترینہ کیف 14 برس کی تھی جب اس نے ماڈلنگ شروع کی۔ 2003ء میں اس نے اپنی پہلی فلم بوم میں کام کیا۔ سنگھ از کنگ، زندگی نہ ملے گی دوبارہ، تیس مار خاں، نمستے لندن اس کی دیگر مشہور فلمیں ہیں۔