(عابد چوہدری)شادباغ میں راستے کے تنازع پر دو گروپوں میں خوفناک تصادم ہو گیا۔پولیس نے تین ملزمان کو گرفتار کر کے اسلحہ قبضے میں لے لیا۔
پولیس کے مطابق شادباغ کے علاقے میں پیررونقی دربار کے قریب رانا اور گجر گروپ میں تصادم ہوا، تصادم کے دوران فائرنگ کے باعث رانا گروپ کے پانچ افراد اور ایک راہگیر زخمی ہو گیا۔ ریسکیو عملے نے زخمیوں کو طبی امداد کیلئے میو ہسپتال منتقل کر دیا، پولیس کے مطابق راستے کے تنازع پر دونوں گروپوں میں جھگڑا ہوا اور فائرنگ کرنیوالے تین ملزمان کو گرفتار کر لیا گیا جن کے قبضے سے اسلحہ برآمد کرکے قانونی کارروائی کی جا رہی ہے۔ دوسری جانب ڈاکٹرز کے مطابق دو زخمیوں کی حالت تشویشناک بتائی جا رہی ہے۔