ویب ڈیسک : پی ٹی آئی کے اپوزیشن لیڈر عمر ایوب نے جی ٹی روڈ پر ہری پور سے آتے ہوئے قافلے کو ٹیکسلا سے واپس موڑ لیا ۔
عمرایوب کا قافلہ چیچیاں کے مقام سے موٹروے پرچڑھ گیا ہے ، عمر ایوب کا قافلہ بذریعہ موٹروے علی امین کے قافلے میں شامل ہوگا ۔
قافلہ گانگو چک پوسٹ کو کراس کر کے ٹیکسلا میں داخل ہوا تھا ، اسی دوران عمر ایوب نے اچانک واپسی کا فیصلہ کر لیا ۔
پی ٹی آئی کے ذرائع نے بتایا ہے کہ اب عمر ایوب نے ہزارہ اور ہری پور سے آنے والے اس قافلے کو موٹروے برہان ریسٹ ایریا پر پہنچا کر علی امین گنڈاپور کے قافلے میں شامل کرنے کی ہدایت کردی ہے۔عمر ایوب نے کہا کہ کٹی پہاڑی کو آج رات ہی عبور کرنے کی کوشش کی جائے گی ۔