ویب ڈیسک : کراچی کے علاقے میں سنیپ چیکنگ کے دوران ہونے والے پولیس مقابلے میں 4 ڈاکو ہلاک ہوگئے۔
ایس پی کلفٹن کے مطابق رات گئےکلفٹن میں پولیس اور سی ٹی ڈی اہلکاروں کی جانب سے چیکنگ کیلئے ناکہ لگایا گیا، اسی دوران پولیس نے 4 افراد کو مشکوک سمجھ کر رکنے کا اشارہ کیا، پولیس کے روکنے پر مشکوک افراد نے فائرنگ شروع کردی ، پولیس کی جوابی کارروائی میں چاروں ڈاکو زخمی ہوگئے، جنہیں اسپتال منتقل کیا گیا جہاں وہ ہلاک ہوگئے۔
پولیس حکام کا کہنا ہے کہ ملزمان نے 6 نومبر کو توحید کمرشل میں واردات کی اور مزاحمت پر سیکورٹی ادارے کے سابق اہلکار سعید کو قتل کیا، اسی گروہ نے بارہ جنوری 2020 کو ویر باند نامی تاجر کو قتل کیا تھا۔ ملزم نواب احمد کے خلاف 27 مقدمات درج ہیں، ملزم راج کمار کے خلاف 14، ملزم شیری چند کے خلاف 13، ملزم عبد الستار کے خلاف 15 مقدمات درج ہیں۔