ویب ڈیسک: بھارتی ڈراموں کی اداکارہ اور کینسر میں مبتلا حنا خان بالی ووڈ کے اسٹار سلمان خان کے خوبصورت رویے سے بے حد متاثر ، سوشل میڈیا پر بالی ووڈ اداکارہ کی میگا سٹار کے ساتھ تصاویر خوب وائرل ہورہی، تصاویر کو حنا خان نے اپنے انسٹاگرام اکاونٹ پر شیئر کیا۔
حال ہی میں ٹیلی ویژن اسٹار نے بگ باس 18 کے سیٹ کا دورہ کیا اور میزبان سلمان خان سے ملاقات بھی کی،سیٹ سے واپسی پر حنا خان نے سلمان کے ساتھ کئی تصاویر شیئر کیں اور ان کے وقت اور مشورے کا شکریہ ادا کیا۔
تصاویر شیئر کرتے طویل تحریر لکھی جس میں کہا ’ میں ہمیشہ سلمان خان کے ساتھ ملاقاتوں سے کچھ نہ کچھ سیکھتی ہوں، لیکن اس بار یہ ملاقات مختلف تھی‘ شوٹ کے ایک لمبے اور تھکا دینے والے دن کے بعد بھی سلمان خان مجھ سے ملے اور یہ میرے دل کو چھو گیا،سلمان نے مجھے بلایا اور قریب ایک گھنٹے تک بیٹھایا، میری بیماری کے علاج کی ہر چھوٹی تفصیل پوچھی اور میرے اعتماد کو بڑھانے کی کوشش کی۔
حنا خان نے کہا کہ سلمان خان کا یہ انداز میرے لیے بے مثال تھا، نہ صرف انہوں نے اپنے تجربات اور علم کو میرے ساتھ شیئر کیا بلکہ یہ بھی یقینی بنایا کہ میں پہلے سے زیادہ پُراعتماد ہوکر وہاں سے نکلوں، انہوں نے مجھے یقین دلایا کہ میں ٹھیک ہو جاؤں گی۔
حنا خان نے مزید کہا کہ بات یہ ہے کہ انہیں یہ سب کرنے کی ضرورت نہیں تھی، لیکن انہوں نے کیا، وہ جتنے مصروف ہیں، جتنے کام میں جکڑے ہوئے ہیں، انہوں نے پھر بھی ذاتی طور پر میری حمایت کی، یہ صرف میرے لیے دل سے حمایت نہیں تھی، بلکہ ایک سبق بھی تھا، اور میں اسے کبھی نہیں بھولوں گی، آپ جیسے ہیں ویسے رہنے کے لیے شکریہ سلمان، ہمیشہ آپ کے لیے عزت و احترام۔