ویب ڈیسک: بھارتی گلوکار اور گیت نگار آدیتا پریتک سنگھ سسودیا عرف بادشاہ نے پاکستانی اداکارہ ہانیہ عامر کے ساتھ تعلق کی خبروں پر خاموشی توڑ دی۔
بھارتی ریپر بادشاہ اور پاکستانی اداکارہ ہانیہ عامر کے درمیان رومانوی تعلقات کے چرچے عام ہیں، جوڑی کے درمیان کوئی بھی معمولی بات چیت، چاہے وہ آن لائن ہو یا ذاتی طور پر، مداحوں کو انہیں 'مثالی جوڑے' کہنے کا موقع فراہم کرتی ہے۔تاہم ایک حالیہ انٹرویو میں، بادشاہ نے ان افواہوں کو مسترد کر دیا کہ وہ ہانیہ سے ڈیٹنگ کر رہے ہیں، اور اصرار کیا کہ وہ ایک 'بہت اچھی دوست' سے زیادہ کچھ نہیں ہیں۔
حال ہی میں ہانیہ عامر، بادشاہ کے کانسرٹ میں بھی گئیں اور انہوں نے اس ایونٹ کا کلپ بھی اپنے انسٹاگرام اکاؤنٹ پر پوسٹ کیا تھا۔بھارتی میڈیا کی رپورٹ کے مطابق بادشاہ نے ساہتیہ آج تک 2024 میں ان افواہوں کی تردید کرتے ہوئے کہا کہ ہانیہ ’ان کی بہت اچھی دوست‘ ہیں جن کے ساتھ ان کا ’اچھا تعلق‘ ہے۔
بادشاہ اور ہانیہ عامر اپنے رشتے کو کبھی چھپاتے نظر نہیں آئے، ہر موقع پر ایک دوسرے کو آن لائن ہائیپ کرتے ہیں، اس کے علاوہ وہ اکثر سوشل میڈیا پر اپنے کیچ اپ سیشن کی تصاویر اور ویڈیوز شیئر کرتے ہیں۔ بادشاہ نے واضح کیا کہ 'یہ ایک خاص تعلق رکھنے والے دوستوں کے درمیان بات چیت کے علاوہ کچھ نہیں ہے لیکن اس سب کی اکثر غلط تشریح کی جاتی ہے کیونکہ لوگ دیکھتے ہیں کہ وہ جو امید کرتے ہیں وہ سچ ہو'۔
ان کا کہنا تھا کہ ’ہم جب بھی ملتے ہیں تو خوب ہلہ گلہ کرتے ہیں اور بس اتنا ہی ہوتا ہے۔ وہ اپنی زندگی میں خوش ہے اور میں اپنی زندگی میں، ہماری ہم آہنگی شاندار ہے، لیکن لوگ اکثر اس کی غلط تشریح کرتے ہیں اور وہ دیکھتے ہیں جو وہ ماننا چاہتے ہیں۔‘
یاد رہے کہ اس سے قبل بی بی سی ایشین نیٹ ورک کو انٹرویو دیتے ہوئے ہانیہ عامر نے بتایا تھا کہ بادشاہ سے ان کی دوستی کیسے ہوئی۔
اداکارہ کے مطابق ریپر نے ان کی ایک ریل پر تبصرہ کیا تھا اور پھر انہیں ڈائریکٹ میسج کیا جہاں سے بات چیت کا سلسلہ شروع ہوا اور وقت گزرنے کے ساتھ ان کا تعلق مضبوط ہوگیا۔ بادشاہ اور ہانیہ جب بھی ملتے ہیں اکثر انسٹاگرام پر تصاویر اور ویڈیوز شیئر کرتے ہیں، خاص طور پر دبئی میں۔
ہانیہ عامر کی جانب سے شیئر کیے گئے نئے کلپ میں وہ اور بادشاہ ایک دوسرے کے سامنے جھکتے ہیں اور بادشاہ ہاتھ جوڑتے ہیں۔ اس کے بعد ہانیہ ریپر کو آواز دیتی ہیں، جس کے بعد وہ انہیں گلے لگاتے ہیں۔اس موقع پر ہانیہ کہتی ہیں کہ ’یہ میرا خوبصورت دوست ہے! جو ایک مکمل راک سٹار ہے! ہیرو ہے۔‘
بادشاہ نے اس ویڈیو کو اپنے انسٹاگرام اکاؤنٹ پر ری شیئر کرتے ہوئے لکھا کہ ’سب کو پتا ہے کہ راک سٹار کون ہے۔‘