ارشاد قریشی: 9 مئی کے پرتشدد واقعات کا معاملہ،تھانہ حضرو اٹک کی ٹیم کی اڈیالہ جیل آمد ،پولیس کی شاہ محمود قریشی سے ابتدائی تفتیش۔
تفصیلات کے مطابق 9 مئی کے پرتشدد واقعات کا معاملہ،تھانہ حضرو اٹک کی ٹیم کی اڈیالہ جیل آمد۔
جیل زرائع نے بتایا کہ چیئرمین پی ٹی آئی نے پولیس ٹیم کو سوالات کا جواب دینے سے انکار کردیا اور کہا کہ تفتیش کے لئے وکلاء سے مشاورت یا انکی موجودگی میں جواب دوں گا۔
پولیس زرائع کے مطابق سابق وزیر خارجہ شاہ محمود قریشی سے پولیس ٹیم نے ابتدائی تفتیش کرلی، وائس چیئرمین پی ٹی آئی نے پولیس ٹیم کو سوالات کے جوابات دے دیئے ہیں اور شاہ محمود قریشی سے تفتیش کے بعد پولیس ٹیم واپس روانہ ہو گئی ہے۔
یاد رہے کہ پولیس ٹیم 9 مئی واقعات میں سابق وزیراعظم اور سابق وزیر خارجہ سے تفتیش کے لئے اڈیالہ جیل آئی تھی۔