(فہد علی) بادامی باغ کے علاقے میں شادی کی تقریب حادثے کی  نظر ہوگئی،   دو منزلہ مکان کی چھت   گرنے سے عورتوں اور بچوں سمیت 15 افراد زخمی ہوگئے۔

لوہے والی پلی بادامی باغ کے رہائشیوں کا کہنا تھا کہ گھر میں شادی کی تقریب جاری تھی اور اوپر کی منزل پر مہمانوں کو بٹھا کر کھانا کھلا یا جارہا تھا کہ اچانک وزن زیادہ ہونے کی وجہ سے چھت گر گئی، چھت گرنے کی وجہ سے عورتوں، بچوں سمیت پندرہ افراد زخمی ہوئے جنھیں ہسپتال منتقل کر دیا گیا ہے۔

 ریسکیو کا کہنا تھا کہ گھر خستہ حال ہونے کی وجہ سے حادثہ پیش آیا ہے، زخمی ہونے والے تمام افراد کی حالت خطرے سے باہر ہے۔