(محمدساجد) گھر والوں کو بتائے بغیر کراچی سے لاہور آنے والی دعازہرہ نے ظہیر نامی لڑکے سے شادی کرلی تھی جس کی بعد ایک ویڈیو بیان دیا تھا کہ مجھے کسی نے اغوا نہیں کیامیں اپنی مرضی سے آئی ہوں، سوشل میڈیا پر دعا کی ایک نئی ویڈیو گردش کررہی ہے جو کہ لاہور میں ہی بنائی گئی۔
تفصیلات کےمطابق کراچی سے آنے والی دعا زہرہ نے لاہور میں ظہیرنامی لڑکے سے پسند کی شادی کی،اپنے ایک بیان میں دعا کا کہناتھا کہ مجھے سندھ اور پنجاب پولیس ہراساں کر رہی ہے۔ مجھے اپنی زندگی کے خدشات لاحق ہیں۔دعا زہرا کا اپنی عمر کے متعلق کہنا ہے کہ میں بالغ ہوں تاہم لڑکی کے والد نے اپنی بیٹی کی عمر 14سال بتائی۔ والدہ کا کہنا تھا کہ جب میرے نکاح کو 18سال نہیں ہوئے تو بیٹی بالغ کیسے ہوسکتی ہے؟
بعدازاں دعا زہرہ کا کہناتھا میں نے ظہیر سے پسند کی شادی کی۔ اگر کچھ ہوگیا تو ہمارے والدین اور پولیس ذمہ دار ہوگی. کراچی پولیس کو ایک نکاح نامہ موصول ہوا تھا جس کے مطابق دس روز قبل اغوا ہونے والی دعا زہرہ کے ساتھ رائیونڈ کے شہری ظہیر نے نکاح کرلیا تھا۔
سوشل میڈیا پر دعازہرہ کی ایک نئی ویڈیو وائرل ہورہی ہے جس میں دیکھا جاسکتا ہے کہ وہ خوشگوار موڈ میں خاوند کے ساتھ اپنی سالگرہ منارہی ہے جبکہ دیگر عزیزاقارب اور بچے ان کے اردگرد جمع ہیں۔
ویڈیو کے بیک گراؤنڈ میں ایک خاتون اور دوسرے افراد کی آوازیں بھی سنی جاسکتی ہیں جو کہ زہرہ کو سالگرہ کی مبارکباد دے رہے ہیں، کیک کاٹنے کے بعد دنوں میاں، بیوی نے ایک دوسرے کو کیک بھی کھلایا۔
View this post on Instagram