(اسرار خان)بابو صابو کے قریب دریائے راوی میں نامعلوم شخص گر کر ڈوب گیا، امدادی ٹیمیں ایک گھنٹے تک تلاش کرتی رہیں لیکن شہری کا سراغ نہ مل سکا، اندھیرا چھانے پر امدادی کارروائیاں پیر کی صبح تک مؤخر کردیں گئیں۔
ریسکیو حکام کے مطابق بابو صابو طلعت پارک کے قریب ایک شخص کے دریائے راوی میں گرنے کی اطلاع پر ریسکیو ٹیمیں موقع پر پہنچ گئیں، جنہوں نے امدادی کارروائیاں شروع کر دیں، ایک گھنٹے کی جدو جہد کے بعد بھی شہری کا سراغ نہ مل سکا، اندھیرا چھانے پر امدادی کارروائیاں پیر کی صبح تک مؤخر کر دی گئیں، ریسکیو حکام کا کہنا ہے کہ پیر کی صبح امدادی کارروائیاں دوبارہ شروع کر دی جائیں گی۔
ڈوبنے والے کی تاحال کوئی شناخت نہیں یا کسی نے بھی اس حوالے سے پولیس میں گمشدہ ہونے کی رپورٹ درج نہیں کرائی۔