زاہدچوہدری: میو اور جناح کے بعد سروسز ہسپتال میں جان بچانے والی ادویات کی شدید قلت کا سنگین بحران ، حادثات کے ساتھ آنے والے مریضوں کی زندگیاں بچانے کیلئے چیسٹ ٹیوب تک ناپید ۔
تفصیلات کےمطابق سروسز ہسپتال میں ایمرجنسی میں انجکشنز سپروفکولکساسین ، میڈازولم ، سوڈیم ویلپروایٹ سینڈوسٹیٹن ، فلومازینل ناپید ہوچکے ہیں، ایمرجنسی میں اینجی ٹیوب، سنگل چیمبر چیسٹ ڈرین ، شوگر سٹرپ ، ہینڈ سینیٹائزر کی قلت ہوچکی ہے۔
علاوہ ازیں ایمرجنسی میں سیرپ بروفین ، پیراسیٹامول ، اسپرین سمیت طبی سامان ناپید ہے، ایمرجنسی میں آنے والے مریضوں کی زندگیاں ادویات کی قلت سے سنگین خطرے سے دوچار ہیں۔