(حفظہ یعقوب):چوری کی بڑھتی وارداتوں سے جہاں شہری پریشانی کاشکارہیں ،وہیں چوروں نے بھی وارداتوں کے منفرد انداز اپنا لیے ہیں۔چوری کی اس سے قبل متعدد ویڈیوز اور خبریں سوشل میڈیا پر سننے کو مل سکتی ہیں مگر جو چوری منظر عام پر آئی ہے اس میں ملز م نے سونا چاندی یا نقدی نہیں بلکہ 500سائیکلیں چرائی ہیں۔
رپورٹ کے مطابق انگلینڈ کے جنوب مشرق میں واقع آکسفورڈ شائر میں’کولن بٹلر‘نامی شخص کے گھر سے500 سائیکلیں برآمد ہوئیں ہیں۔پڑوسی کی نشاندہی پر پولیس نے کارروائی کرتے ہوئے سائیکل چور کو گرفتا ر کرلیا۔پولیس کے مطابق ملزم لگ بھگ چار سے پانچ سال سے چوری کی سائیکلیں اکٹھی کررہا تھا۔
سائیکلیں وین لوڈ کے ذریعےلائی جاتیں تھیں۔گھر کےباغ میں سائیکلوں کا ذخیرہ اتنا بڑا ہے کہ اسے گوگل ارتھ سیٹلائٹ کے ذریعے بھی دیکھا جا سکتا ہے۔
ملزم نے پولیس کو تفتیش میں بتایا کہ وہ یہ سائیکلیں افریقہ کے ضرورت مند بچوں کیلئے جمع کررہا تھالیکن پولیس کے مطابق وہ گزشتہ پانچ سالوں میں کبھی افریقہ نہیں گیا۔