( زین مدنی ) لالی وڈ انڈسٹری کے نامور اداکار ہدایتکار شان شاہد کی فلم ضرار کا نیا ٹریلر لانچ کردیا گیا۔
شان شاہد کی ڈائریکشن میں بننے والی فلم ضرار کا پہلا باقاعدہ ٹریلر ریلیز کیا گیا ہے۔ فلم کی کاسٹ میں اداکار شان، ندیم بیگ، کرن ملک اور رشید ناز سمیت دیگر فنکار شامل ہیں۔ فلم کی زیادہ تر عکس بندی بیرون ممالک میں کی گئی ہے۔
فلم ایکشن سے بھرپور ہے جس میں شان شاہد ایک فوجی کے روپ میں نظر آئیں گے اور ایک مشن پر دہشت گردوں کا خاتمہ کرتے نظر آئیں گے۔ فلم کو ریلیز کرنے کی ڈیٹ کا اعلان نہیں کیا گیا البتہ اسی سال ریلیز کی جائے گی۔
شان
شاہد کے مطابق یہ فلم شائقین کو بے حد پسند آئے گی کیونکہ یہ محب وطنی پر مبنی فلم ہے۔