وزیراعلیٰ پنجاب کا ملتان میں بارش کا پانی جمع ہونے کا نوٹس، فوری نکاس کا حکم

سٹی 42: نگران وزیراعلیٰ پنجاب محسن نقوی کا بارش کے دوران ملتان شہر کا دورہ .
گھنٹہ گھر، مچھلی مارکیٹ، عید گاہ، کینٹ ایریا، شجاع آباد روڈ اور دیگر علاقوں میں نکاسی آب کی صورتحال کا جا ئزہ لیا.ملتان کے مختلف علاقوں میں بارش کا پانی جمع ہونے کا نوٹس لیتے ہوئے  فوری نکاس کا حکم دیا۔ واسا ملتان کو تمام تر مشینری اور وسائل کے ساتھ متحرک ہونے کی ہدایت بھی کر دی  ۔ محسن نقوی  کا کہنا تھا ڈپٹی کمشنر بارش کے پانی کے نکاس کی ذاتی طور پرنگرانی کریں ۔ چیف سیکرٹری، آئی جی پولیس، ایڈیشنل چیف سیکرٹری جنوبی پنجاب، ایڈیشنل آئی جی جنوبی پنجاب بھی ہمراہ تھے۔