سٹی 42: مایا علی پاکستان کی ایک مشہور اداکارہ ہیں جنہوں نے بہت کم عرصے میں انڈسٹری میں اپنا خاص نام قائم کیا ہے اور اپنی ایک الگ پہچان بنائی ہے ۔اداکارہ نے ڈرامہ سیریل’’ در شہوار ‘‘سے اداکاری کے میدان میں قدم رکھا اور بہت سے لوگوں نے ان کی جاندار اداکاری کو سراہا۔
اداکارہ ایک بارپھر سوشل میڈیا پر اپنے مداحوں کی توجہ کا مرکز بنی ہوئی ہیں جہاں ان کی نئی تصویرلوگوں میں مقبول ہورہی ہیں۔ مایا علی نے اپنی خوبصورتی سے لوگوں کو مداح بنایا ہے وہیں انکی فٹنس بھی کشش کی ایک بڑی وجہ ہے۔اس لئے ان کا زیب تن کیاہوا ہر لباس انہیں خوب جچتا ہے۔
سوشل میڈیا کے انسٹا گرام اکائونٹ پر مایا علی کی گزشتہ روز لگائی گئی تصویرکو اب تک ہزاروں افراد پسند کرچکے ہیں۔اداکارہ مایا علی نے اپنی اس تصویر میں سرخ رنگ کی شرٹ رکھی ہے جس میں وہ انتہائی خوبصورت دکھائی دے رہی ہیں ۔سرخ رنگ مایاعلی پر بہت جچتا ہے اور ایسا پہلی بار نہیں کہ انہیں اس طرح کی شرٹ میں دیکھا گیا ہے،وہ اکثر فلمز کی پروموشن اور کئی دوسری تقریبات میں بھی دیکھی گئی ہیں۔
اس سے قبل اپنی ایک پوسٹ میں مایا نے اپنی والدہ کے لیے سالگرہ کے موقع پر نیک تمنائوں بھرا ایک پیغام شیئر کیا جس میں انکا کہنا تھا کہ؛اماں میری جان آپ نے ہمیشہ میری حمایت کی ہے ،خاص طور پر میری زندگی کے مشکل دنوں میں آپ میرے ساتھ تھیں اور جب میری ہمت جواب دے گئی تو آپ نے مجھے سکھایا کہ ہار نہیں ماننی۔جب بابا چلے گئے تو آپ نے ہمیں باپ بن کے پالااورایسے وقت میں ہماری حفاظت کی جب ہم سب کچھ کھو چکے تھے ،میرے لیے سب سے بڑی خوشی کا سبب یہی ہے کہ میرے پاس آپ ہیں۔
یاد رہے کہ مایا علی ڈراموں کے ساتھ ساتھ فلموں میں بھی اپنا نام منوا چکی ہیں۔8 201میں انہوں نے فلم ’’ طیفا ان ٹربل ‘‘کے ساتھ فلمی میدان میں قدم رکھا ،فلم میں انہوں نے پاکستان کے مایہ ناز اداکار و گلوکار علی ظفر کے ہمراہ مرکزی کردار ادا کیا اور بعد میں فلم پڑے ہٹ لو میں بھی اپنی شاندار اداکاری کے جوہر دکھائے ان کی دونوں فلمیں شائقین کے دل جیتنے میں بھر پور کامیاب ہوئیں-