سٹی42: وفاقی حکومت نےجنید اکبر کو پبلک اکاؤنٹس کمیٹی کا چیئرمین بنا دیا۔
پبلک اکاؤنٹس کمیٹی کے چئیرمین کا نام طریقہ کار کے مطابق قومی اسمبلی کی اپوزیشن کی طرف سے دیا جاتا ہے۔ اپوزیشن نے آج جمعہ کے روز ہونے والے اجلاس میں پی اے سی کے چئیرمین کے خالی عہدہ پر تقرر کے لئے جنید اکبر کا نام دیا تھا جسے حکومت نے منظور کر لیا۔
نومنتخب چیئرمین پی اے سی جنید اکبرخان کا کہنا تھاکہ تمام ارکان کو ساتھ لے کر چلوں گا۔
اس سے پہلے خبریں آئی تھیں کہ وزیراعظم کہاؤس نے پبلک اکاؤنٹس کمیٹی کے چئیرمین کے تقرر کے لئے اپوزیشن کے بتائے ہوئے نام پر اسپیکر قومی اسمبلی ایاز صادق کو مثبت جواب دے دیا ہے۔
پرائم منسٹر ہاؤس کی منظوری ملنے کے بعد سپیکر ایاز صادق نے اپوزیشن کو چیئرمین پی اے سی کے انتخاب کے حوالے سے آگاہ کر دیا ۔
چیئرمین پی اے سی کے تقرر کے لئے اپوزیشن اب تک جو انفرادی نام لاتی رہی انہیں حکومت نامنظور کرتی رہی۔ اب اپوزیشن نے نئے ناموں کا پینل تیار کیا جس میں شیخ وقاص اکرم کا نام حکومت کے لئے ناقابل قبول ہونے کے سبب نکال دیا گیا تھا۔
جنید اکبر کے نام پر وزیراعظم شہباز شریف کی رضامندی سپیکر تک پہنچائے جانے کے بعد پی اے سی کے تمام ارکان کو اسلام آباد میں رہنے کی ہدایت جاری کر دی گئی تھی۔ حتمی مشاورت مکمل ہونے کے بعد پی اے سی کا اجلاس کمیٹی روم نمبر 2 میں طلب ہوا اور جنید اکبر کو چئیرمین منتخب کرنے کی رسم ادا کر دی گئی۔
کمیٹی کا کورم مکمل ہونے پر الیکشن ہوا ۔
مسلم لیگ ن کے طارق فضل چوہدری نے جنید اکبر کا نام نامزد کیا ۔
مسلم لیگ ن سینیٹر افنان اللہ خان حمایت کی
مسلم لیگ نون کے رانا قاسم نون نے جنید اکبر کی حمایت کی
مسلم لیگ ن کی وجیہ قمر نے جنید اکبر کی حمایت کی
سردار محمد یوسف نے بھی جنید اکبر کی حمایت کی
عمر ایوب نے بھی جنید اکبر کی حمایت کر دی گئی
جنید اکبر بلامقابلہ چیئرمین پبلک اکاوئنٹس کمیٹی منتخب ہوئے
اپوزیشن نے جنید اکبر ، عمر ایوب ، عامر ڈوگر ، خواجہ شیراز اور عادل بازئی کو نامزد کیا تھا