ویب ڈیسک:پی ایس ایل کے لاہور میں میچز کے حوالے سے صوبائی حکومت اور بورڈ میں ڈیڈ لاک برقرار ہے۔
ذرائع کے مطابق پی سی بی نے سیکیورٹی کی مد میں مزید کوئی فنڈ دینے سے انکار کردیا۔پی سی بی حکام نے حکومتی ٹیم سے میچز کے حوالے سے تفصیلات شیئر کرتے ہوئے موقف اختیار کیا کہ ہم ایونٹس کے مد میں بھاری صوبائی ٹیکس ادا کرتے ہیں۔
حکام نے مزید کہا کہ پی ایس ایل کے میچز پنجاب سے کراچی منتقل کر نے کو تیار ہیں۔
واضح رہے کہ پی ایس ایل 8 کے لاہور اور راولپنڈی میں میچز کے معاملے پر پنجاب حکومت اور پی سی بی کے درمیان مذاکرات ہوئے۔ مذاکرات میں چیئرمین پی سی بی مینجمنٹ کمیٹی نجم سیٹھی اور پی ایس ایل انتظامیہ کے اراکین نے شرکت کی۔
مذاکرات میں صوبائی وزرا ڈاکٹر جاوید اکرام،منصور قادر اور ابراہیم مراد سمیت کمشنر لاہور علی رندھاوا، ڈی سی رافعہ حیدر شریک ہوئے۔