ویب ڈیسک :  انفینکس نے اپنا پہلا 5 جی فون پاکستان میں  لانچ کردیا ہے ۔ جدید ترین پروسیسر سے لیس مدمقابل سے کہیں سستا فون بڑی پیشرفت قرار دیا جارہا ہے۔

فون میں میڈیا ٹیک کا ڈیمینسٹی 900 پراسیسر  جس کے ڈیزائن کو '' یونی کرو'' کا نام دیا گیا ہے بیک کیمرا سیٹ''اوپو '' کمپنی کے فائنڈ ایکس پرو سے  ملتا جلتا ہے جبکہ فون میں  6.78 انچ کا بڑا ایل سی ڈی ڈسپلے فل ایچ ڈی پلس ریزولوشن اور 120 ہرٹز ریفریش ریٹ سپورٹ ہے۔ڈسپلے میں 16 میگا پکسل کیمرا پنچ ہول ڈیزائن میں چھپا ہوا ہے۔

فون میں 8 جی بی ریم اور 128 جی بی اسٹوریج دی گئی ہے جس میں مائیکرو ایس ڈی کارڈ سے مزید اضافہ کیا جاسکتا ہے۔زیرو 5 جی میں 5000 ایم اے ایچ بیٹری 33 واٹ فاسٹ چارجنگ سپورٹ کے ساتھ دی گئی ہے جبکہ ایک ہیٹ پائیٹ ٹمپریچر کو کنٹرول میں رکھتا ہے۔اینڈرائیڈ 11 آپریٹنگ سسٹم کا امتزاج کمپنی نے اپنے ایکس او ایس 10 سے کیا ہے۔

فون کے بیک پر 3 کیمروں کا سیٹ اپ موجود ہے جس کا مین کیمرا 48 میگا پکسل کا ہے جس کے ساتھ 13 میگا پکسل ٹیلی فوٹو (2 ایکس زوم سپورٹ) اور 2 میگا پکسل ڈیپتھ سنسر کیمرے موجود ہیں۔ جبکہ فونپاکستان میں 49 ہزار 999 روپے  کے پرائس ٹیگ کے ساتھ دستیاب  ہے۔