درنایاب:بیکن ہاؤس یونیورسٹی کے آرکیٹیکچر ڈیپارٹمنٹ کے پچیس طلباء پر مشتمل وفد کا پارک اینڈ شاپ ارینا پراجیکٹ کا دورہ ، ماہرین نے طلباء کو بریفنگ دی۔
بیکن ہاؤس نیشنل یونیورسٹی کے طلباء نے جوہر ٹاؤن میں پارک اینڈ شاپ پراجیکٹ کا دورہ کیا ۔ بی این یو آرکیٹیکچر ڈیپارٹمنٹ کے پچیس طلباء پر مشتمل وفد نے منصوبے کے تعمیراتی کام کو دیکھا۔ طلباء کو پارک اینڈ شاپ ارینا پراجیکٹ کے مختلف تعمیراتی فیزز کا دورہ کرایا گیا۔ طلباء کو مغل ، امریکن ، چائینز اور اطالوی گیٹ کے زیر تعمیر حصوں کا بھی دورہ کرایا گیا۔
تعمیراتی کمپنی کے آرکیٹیکٹ ریحان خواجہ نے طلباء کو بریفنگ دیتے ہوئے بتایا کہ منصوبے کے گرے سٹرکچر پر تیزی سے کام جاری ہے ۔ منصوبے میں تفریح کے ساتھ شاپنگ اور فوڈز کورٹ کی سہولت بھی میسر ہے ۔ انہوں نے بتایا کہ منصوبے کا ڈیزائن ایک مشکل ترین ڈیزائن ہے جسے سپین کے ماہرین کے ساتھ مکمل کیا جا رہا ہے ۔